Plean don Scoilbhliain 2024/25

A mhúinteoir, a chara,
                                                         

Fáilte romhat thar n-ais ar scoil! Ba mhaith linn thú a chur ar an eolas maidir leis na himeachtaí Gaeilge a bheidh á reáchtáil ag Conradh na Gaeilge chun cabhair a thabhairt do mhúinteoirí feasacht ghníomhach ar an nGaeilge a chur chun cinn le linn na scoilbhliana. 

Tá cur síos ar na himeachtaí ar fad atá beartaithe do 2024/25 sa phóstaer amlíne iniata agus is féidir é a chrochadh sa seomra foirne nó sa seomra ranga (breis cóipeanna ar fáil ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.).

Tá ríméad orainn feachtais ar nós Gaeilge24 a fhorbairt, feachtas atá ar siúl den naoú huair i mbliana ar 12 Samhain 2024. Tá Gaeilge24 anois ar cheann de na himeachtaí scoile is spreagúla ar bhonn náisiúnta le linn an chéad téarma. Táimid ag tnúth le breis is 300 scoil agus 30,000 dalta a bheith páirteach arís i mbliana.

Ní bheadh na himeachtaí seo indéanta gan bhur obair dhílis mar mhúinteoirí ar fud na tíre. Táimid an-bhuíoch as an aiseolas ó na céadta múinteoirí le linn na bliana, aiseolas a chabhraigh linn gach feachtas a fheabhsú.

Bíonn eolas breise, acmhainní ranga, míreanna ceoil, srl. ar fáil ar an suíomh www.snag.ie agus má tá tuairim ar bith agat maidir le míreanna agus acmhainní eile a bheadh úsáideach, ba bhreá linn cloisteáil uait ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Julian de Spáinn, Ard-Rúnaí