Ceardlanna Raidió Rí-Rá

Céard é Raidió Rí-Rá?

Is cairt-stáisiún ceoil é Raidió Rí-Rá a bhíonn ag craoladh go hiomlán trí Ghaeilge. Bíonn an ceol ar fad ó na cairteacha le cloisteáil ar an stáisiún, mar aon leis an bpopnuacht, an nuacht spóirt agus an nuacht scannánaíochta is déanaí! Tá Raidió Rí-Rá le cloisteáil 24/7 ar líne ag www.rrr.ie, ar an raidió DAB nó is féidir aip Raidió Rí-Rá a íoslódáil saor in aisce.

 

Untitled-1.jpg

 

Céard é Seó Bóthair Raidió Rí-Rá?

Tugann Ceardlann Raidió Rí-Rá deis do dhaltaí scileanna raidió agus teilifíse a fhoghlaim. Beidh cláir raidió á n-ullmhú agus á dtaifead ag na daltaí. Chomh maith leis seo, beidh na daltaí ag cur agallamh ar a chéile os comhair ceamara teilifíse. Craolfar na cláir raidió is fearr ar Raidió Rí-Rá agus beidh na míreanna teilifíse is fearr le feiceáil ar ár suíomh greasáin www.rrr.ie

 

Cathain? 

Beidh Ceardlann Raidió Rí-Rá ar fáil d’iar-bhunscoileanna don bhliain acadúil 2016 / 2017. Maireann an cheardlann 90 nóiméad agus níl uainn ach seomra ciúin sa scoil. Má tá tú ag cur dhá cheardlann in áirithe, is féidir seisiún amháin a eagrú roimh lón agus seisiún eile a eagrú tar éis lóin, ag brath ar amchlár na scoile. 

 

Cé mhéad dalta? 

Is féidir le 15 dalta ar a mhéad freastal ar an gceardlann. Tá an spás teoranta toisc go bhfuil béim faoi leith ar obair phraiticiúil.

 

Cén teanga? 

Is féidir Ceardlann Raidió Rí-Rá a dhéanamh as Gaeilge amháin nó go dátheangach ag brath ar leibhéal Gaeilge na ndaltaí. Déanfar an taifead ar fad as Gaeilge.

 

Cén costas? 

Tá síntiús €100 / £80 i gceist leis an gCeardlann (15 dalta, 90 nóiméad) a chur ar siúl i do scoil féin. Tá síntiús €150 / £125 i gceist le dhá cheardlann a chur ar siúl (30 dalta, 3 uair a chloig). Clúdaíonn an táille seo an seisiún agus costais taistil.

 

An Sceideal

30 nóiméad – Clár raidió a ullmhú, cleachtadh & taifead

30 nóiméad – Míreanna vox pop raidió a ullmhú & taifead

30 nóimead – Agallamh teilifíse a ullmhú, cleachtadh & taifead

90 nóiméad san iomlán

Is féidir teagmháil a dhéanamh linn ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. nó +353 (0)1 4757401

Bileog Eolais Ceardlanna RiRa 1718 le PDF

 

Eagraíochtaí faoi scáth Chonradh na Gaeilge