Is lá traenála é Traenáil na nOifigeach Gaeilge, curtha ar siúl ag Conradh na Gaeilge agus Aontas Daltaí Iar-Bhunscoile na hÉireann le deis a thabhairt do dhaltaí iarbhunscoile freastal ar cheardlanna idirghníomhacha a bhaineann le conas an Ghaeilge a chur chun cinn sa scoil agus go leor eile.Reáchtálfar ceithre sheisiúin de Thraenáil na nOifigeach Dara Leibhéal i mbliana:
Satharn, 21 Deireadh Fómhair - Baile Átha Cliath.
Satharn, 11 Samhain - Béal Feirste.
Satharn, 18 Samhain - Corcaigh.
Satharn, 18 Samhain - Gaillimh.
Maireann na seisiúin ó 11:00 - 15:00, le briseadh leath uair a chloig agus lón curtha ar fáil.
Is deis iontach iad na seisiúin traenála le bualadh le daoine eile a bhfuil suim acu i gcursaí na Gaeilge. Reáchtáilfear ceardlanna éagsúla ar an lá bainteach le réimsí éagsúla den teanga:
- Conas an Ghaeilge a chur chun cinn ar scoil agus imeachtaí a eagrú;
- Conas deileáil le tuairimí diúltacha i dtaobh na Gaeilge de;
- Eolas ar chúrsaí tríú leibhéal agus gairmeacha le Gaeilge;
- Deis bualadh le daoine nua trí Ghaeilge!
Cé dóibh atá sé?
- Daltaí iarbhunscoile le grá don Ghaeilge;
- Daoine óga atá ag iarraidh an Ghaeilge a spreagadh ar scoil - Gaelcholáiste, scoil Ghaeltachta nó scoil a fheidhmíonn trí Bhéarla;
- Scoláirí atá fiosrach faoi ghairmeacha le Gaeilge agus faoi imeachtaí a eagrú.
- Tá fáilte roimh gach caighdeán Gaeilge
Tá teorainn de dhalta nó beirt in aghaidh na scoile don traenáil seo. Is féidir clárú do Traenáeil na nOifigeach Gaeilge 2023 anseo.
Tá an traenáil seo á reáchtáil againn i gcomhpháirt le ISSU (ADIÉ) agus tá roinnt eolais ar an suíomh s'acu (Gaeilge agus Béarla).
