Tá Seachtain na Gaeilge le Energia i mbun an chiste seo a riaradh, le leanúint len a cheiliúradh ar 120 Bliain den fhéile i 2022, agus tá an Ciste Spreagtha maoinithe ag an Roinn Turasóireachta, Cultúir, Ealaíon, Gaeltachta, Spóirt agus Meán.

Mar chuid de Sheachtain na Gaeilge le Energia beidh an deis ag daoine óga páirt a ghlacadh i gceardlanna teicneolaíochta trí Ghaeilge agus caint sainspéise le beocht na teanga i gcúrsaí teicneolaíochta a cheiliúradh. 

Is ar an bhFaiche Mhór i gcathair na Gaillimhe a reáchtáileadh seoladh pobail don fhéile Ghaeilge is mó ar domhan ar an Satharn agus cuirfear tús oifigiúil leis an bhféile inniu. 

Tá Paula Melvin tofa mar Uachtarán nua ar Chonradh na Gaeilge ag Ard-Fheis na heagraíochta in Óstán Chuan na Gaillimhe inniu, Satharn 25 Feabhra 2022. Ag an am céanna tháinig deireadh le seal Uachtaránachta an Dr Niall Comer, a chaith 5 bliana mar Uachtarán ar an gConradh. 

Inniu, chuir 8 ngrúpa, An Droichead, Cultúrlann Mac Adam Ó Fiaich, Glór na Móna, Ionad Uíbh Eachach, Cumann Cultúrtha Mhic Reachtain, Cumann Gaelach QUB, Conradh na Gaeilge agus Forbairt Feirste a bhfreagraí isteach ar an chomhairliúchán ar son athraithe molta Chomhairle Chathair Bhéal Feirste ar an pholasaí sráidainmeacha. 

Tá iontas agus díomá nach beag ar phobal na Gaeilge de dheasca an chinnidh is déanaí a rinne an tÚO i dtaca le hobair óige Ghaeilge. Rachaidh an cinneadh maoinithe seo i bhfeidhm go díréireach ar sheirbhísí óige Gaeilge atá ar an líne thosaigh, is ionann sin a rá agus postanna obair óige ar fud na hearnála a chailleadh agus deireadh a chur leis na céadta uaire de sholáthar obair óige.

Ainmníodh Sene Naoupu, Cormac Ó hEadhra agus Séaghan Ó Súilleabháin mar ambasadóirí do Sheachtain na Gaeilge le Energia 2022. 

Reáchtálfar Ard-Fheis Chonradh na Gaeilge in Óstán Chuan na Gaillimhe i mbliana, idir 25 - 27 Feabhra 2022. I measc bhuaicphointí na hArd-Fheise i mbliana bronnfar Gradam an Uachtaráin de Chuid Chonradh na Gaeilge ar Uachtarán na hÉireann, Micheál D. Ó hUiginn, le linn Dhinnéar na hArd-Fheise, oíche Shathairn 26 Feabhra. Tabharfaidh Uachtarán Ó hUiginn óráid speisialta do theachtaí agus d’aíonna na hArd-Fheise maidir leis an Ghaeilge agus an Ghaeltacht. 

Ag baint leasa as an stádas breise atá ag an nGaeilge mar theanga iomlán oibre de chuid an Aontais Eorpaigh tá leasú i nGaeilge molta ag an mBall Pharlaiminte Seán Kelly ar phíosa reachtaíochta Eorpach. Is é seo an chéad uair ar baineadh feidhm as stádas nua na Gaeilge chun leasú a mholadh ar reachtaíocht atá á phlé ag an bParlaimint. Baineann an leasú féin leis an dréacht tuairim ón gCoiste um Thrádáil Idirnáisiúnta maidir le cosaint an iltaobhachais.