Gaeltacht X

GX Fáilte go Gaeltacht X - an t-eispéireas nua Gaelach ar líne. An samhradh seo beidh muid ag cur ábhar siamsúil, spraíúil ar fáil do dhaoine óga leis an nGaeilge a choinneáil lárnach ina saol agus an domhan mór athraithe thart orainn. 


Comórtas Amhrán Tí le RTÉ 2FM

Cuireann Gaeltacht X i láthair, i gcomhpháirt le RTÉ 2FM, Comórtas Amhrán Tí an tsamhraidh!

Gach seachtain beidh muid ag bronnadh €300 ar na hamhránaithe is fearr i measc ár leantóirí, agus €1000 ar an buaiteoir ag deireadh an tsamhraidh. 

Glac páirt leis na céimeanna thíos:

Taifead - Déan taifead ar leagan Gaeilge de chlúdach nó amhrán úrnua (físeán nó clip 45 soicind) - mar thigh (grúpa) nó i d'aonar. Tá fáilte roimh fhiseán nó glórtheachtaireacht, ach déan cinnte go mbeidh caighdeán ard ar an bhfuaim mar seans go mbeidh sé á seinnm ar an raidió!

Seol - Seol chugainn ag Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air. é, chomh maith le d'ainm/ainmneacha gach duine sa ghrúpa, aois/aoiseanna agus contae gurb as duit/daoibh

Éist - Roghnóidh Eoghan & Doireann amhrán amháin an duine in aghaidh na seachtaine le bheith mar amhrán Tigh Eoghain nó amhrá Tigh Dhoireann. Seinnfear an dhá amhrán ar an 2FM Breakfast with Eoghan & Doireann maidin Mháirt. 

Vóta - Beidh éisteoirí an chláir raidió agus leantóirí Gaeltacht X in ann vóta a chaitheamh ar phobal bhreith ar chuntas Gaeltacht X ar Instgaram ar feadh 24 uair a' chloig. Déanfar buaiteoir an phobalbhreith a fhógairt maidin Chéadaoin ar 2FM Breakfast with Eoghan & Doireann. Bronnfar €300 ar bhuaiteoir na seachtaine agus rachaidh siad ar aghaidh ag an babhta deiridh chomh maith. 

Craobh - Rachaidh an 4 buaiteoir in aghaidh a chéile sa seachtain deireanach mar chraobh. Seinnfear gach amhrán ar an gclár raidió maidin Mháirt agus arís beidh 24 uair a chloig ag na leantóirí/éisteoirí vóta a chaitheamh ar an gceann is fearr leo. Bronnfar €1000 ar an mbuaiteoir. 

Coinníollacha

  - Táimid ag glacadh le hiarratais ón Luan 13 Iúil go dtí Aoine 10 Lúnasa - ach mar go mbeidh amhrán nua á roghnú go seachtainiúil ag Eoghan & Doireann, is luaithe is fearr lena sheoladh isteach!  

- Caithfear gur aistriúchán nua atá ann (nach bhfuil le cloisteáil áit ar bith eile) nó amhrán nuachumtha.

- Roghnófar na hamhráin leis an méid is mó spraoi, spiorad, cruthaitheacht ó thaobh úsaid na Gaeilge de agus a dtaitníonn le Doireann agus Eoghan.


Cogadh_na_gColáistí_gan_X.png
Ar mhaith leat clárú do Chogadh na gColáistí Samhraidh? Brúigh anseo!
Tuilleadh eolais thíos!

 


Teacht le Chéile 

Beidh seisiún difriúil ann gach coicís do dhaoine óga. Scaipfear eolas i mbealach spraíúil agus beidh deis plé a bheith againn ar an topaic chomh maith!
 
Seisiún 3 : Start-Ups agus Gnó as Gaeilge 
Chat neamhfhoirmeálta ar ghnó trí Ghaeilge agus na háiteanna gur féidir ábhair Ghaeilge a cheannach.
Dé Máirt 28/07 12:00
Seol DM chugainn ar Instagram le clárú!

Céard é Gaeltacht X?

Spriocghrúpa

Tá Gaeltacht X dírithe ar dhéagóirí a ba mhaith leo an Ghaeilge a fheiceáil is a úsáid ar na meáin shóisialta an samhradh seo. Dóibh siúd as an Ghaeltacht, dóibh siúd a bhí le freastal ar choláistí samhraidh agus dóibh siúd le suim suim sa teanga i gcoitinne, tá Gaeltacht X ar bun le freastal orthu. 

Spraoi

Tá sé mar aidhm ag Gaeltacht X spiorad spraíúil na gcoláistí samhraidh a choinneáil, agus eipéireas Gaeilge a chothú gan mothúchán an tseomra ranga. Tá cluichí, comórtais agus ábhar de gach chineál pleanáilte againn don samhradh le dul i bhfeidhm ar dhéagóirí ar bhealach sultmhar.

Eolas

 Beidh Gaeltacht X ag roinnt eolais le déagóirí faoina gcuid cearta teanga, áiteanna leis an Ghaeilge a úsáid, cén dóigh leis an Ghaeilge a dhéanamh níos nádúrtha i measc cairde agus teaghlach agus go leor eile. 

Foireann Óg

Tá foireann de cheathrar ag Gaeltacht X leis an eipéireas Gaelach a dhéanamh níos pearsanta, agus le imeachtaí, agallaimh, comórtais agus eile a chur os comhair an phobail. Tá Síomha, Darragh, Chris agus Róisín le feiceáil mar aghaidh an chuntais ar ár scéalta lá gach seachtain, ag tabhairt leargais ar an méid atá ar siúl go laethúil acu féin agus Gaeltacht X araon.


Cogadh na gColáistí Samhraidh

Tá Comórtas na gColáistí Samhraidh linn! 

Ba mhaith linne ag Gaeltacht X go ndéanfaidh tusa ionadaíocht ar an gcoláiste samhraidh is ansa leat sa chomórtas iomaíoch leis an gcoláiste is fearr in Éirinn a aimsiú.  Seas an fód le do chuid cairde is comrádaithe ó samhraidh a chuaigh thart le a bheith san iomaíocht do dhuaiseanna gach seachtain agus duaischiste €400 do bhuaiteoirí an tsamhraidh. 

Sa chomórtas, déanfar do shaineolas ar ábhair éagsúla a chur faoi thriail i dtráth na gceist iomaíoch agus spraíúil, le babhtaí gach seachtain go dtí go dtiocfaimid ar bhuaiteoirí ag deireadh an tsamhraidh.

Is féidir le daoine clárú mar dhuine aonarach le a bheith curtha le foireann ar son a gcoláiste, nó is féidir suas le ceathrar cairde clárú le chéile agus ionadaíocht a dhéanamh ar a gcoláiste mar sin. 

Beidh duaiseanna tugtha amach do na foirne is fearr gach seachtain, agus duaischiste de €400 ag dul don choláiste is fearr ag deireadh.

Le páirt a ghlacadh sa chomórtas, is gá clárú ag an nasc seo. Reáchtalfar na babhtaí gach Aoine, coinnigh súil ar do chuid ríomhphoist do na dátaí agus amanna de na babhtaí a bheidh do choláiste san iomaíocht - go n-éirí libh!


Nascanna

Tá Gaeltacht X á reáchtáil againn ar Instagram agus ar TikTok - lean muid ag na nascanna thíos!

 

ig-logo-email.png         tik-tok.png

 

le gx2

Eagraíochtaí faoi scáth Chonradh na Gaeilge