Béal Feirste dearg le fearg agus an mórshiúl Gaeilge is mó le glúin ag éileamh chearta teanga Éilíonn cainteoirí an lae ar Rialtas na Breataine agus ar an DUP deireadh láithreach a chur lena gcros agus lena mbac i gcoinne na Gaeilge

Chuaigh na mílte chun sráide inniu i mBéal Feirste chun chearta teanga agus acht Gaeilge a éileamh mar chuid den Lá Dearg. Idir theaghlaigh, ghrúpaí pobail, chumainn CLG, eagrais spóirt agus go leor eile a tháinig le chéile mar chuid de mhórshiúl stairiúil ar son na teanga. Chruinnigh na sluaite lasmuigh de Chultúrlann McAdam Ó Fiaich in iarthar na Cathrach sular thug siad áird ar lár na Cathrach, áit a raibh óráidí, ceol agus siamsaíocht. Tugadh teachtaireachtaí láidre go bhfuil an pobal tinn tuirseach den chur i gcéill agus den mhoilleadóireacht agus go bhfuiltear ag éileamh reachtaíochta atá ceart-bhunaithe agus láidir mar a gealladh i gComhaontú Chill Rìmhinn in 2006. 

Leanúint ar aghaidh

Na Mílte le tarraingt ar Bhéal Feirste Dé Sathairn chun tacú le hAcht Gaeilge ag an Lá Dearg Táthar ag súil le mórshúil stairiúil amárach a bheas ag toiseacht ag Cultúrlann McAdam Ó Fiaich agus ag dul go Halla na Cathrach

Tá An Lá Dearg beartaithe ag An Dream Dearg, amárach, 21 Bealtaine 2022 chun éileamh ollmhór an phobail ar son Acht Gaeilge ó thuaidh a léiriú arís eile. Beidh pobal na Gaeilge as gach cearn den tír agus timpeall na cruinne ag triall ar Chultúrlann McAdam Ó Fiaich Béal Feirste, áit a gcuirfear tús le mórshiúl go Halla na Cathrach sa chathair. Fágfaidh na sluaite an Chultúrlann ag 1pm agus beidh ócáid mhór taobh amuigh de Halla na Cathrach nuair a bhaineann an slua lár na Cathrach amach.

Leanúint ar aghaidh

Tá mic léinn 3ú leibhéal na tíre an-ghníomhach ag cur na Gaeilge chun cinn Aithníodh obair na mac léinn aréir nuair a bhronn Rónán Ó Domhnaill, An Coimisinéir Teanga, na céad teastais agus gradaim de chuid na scéime ‘An Gníomhaí Gaeilge’

Bhronn Rónán Ó Domhnaill, An Coimisinéir Teanga, na céad teastais agus gradaim de chuid na scéime ‘An Gníomhaí Gaeilge’ ar mhic léinn, ar Chumainn Gaelacha agus ar Aontais Mac Léinn 3ú leibhéal aréir, Dé Máirt, 17 Bealtaine, san Ionad Fionraíochta Guinness i mBaile Átha Cliath.

Leanúint ar aghaidh

Faoi scáth Chonradh na Gaeilge