5,000 duine | 100+ seastán | 3 phlé-phainéal
Bí páirteach sa chomhdháil úrnua do dhaoine óga a léiríonn ár dtodhchaí dhátheangach san oideachas, sa saol gairmiúil agus sa saol sóisialta. Beidh seastáin, ceardlanna agus cainteanna ann a léireoidh na deiseanna uile éagsúla a eascraíonn ón nGaeilge agus ón dátheangachas, chomh maith le bealaí le nascadh isteach leis an bpobal bríomhar de chainteoirí Gaeilge. Beidh FÍS 26’ ar siúl san Ionad Comhdhála i lár chathair Bhaile Átha Cliath i rith Seachtain na Gaeilge ar an 12ú Márta, 2026.
go dtí FÍS 2026
Maidir leis an gComhdháil
Is comhdháil nua é FÍS ‘26 a thugann daoine óga le chéile chun léargas a thabhairt dóibh ar na slite uile éagsúla a bhfuil an Ghaeilge ag múnlú na todhchaí. Tugann an lá seo scoláirí, mic léinn, gairmithe óga, cruthaitheoirí agus eagraíochtaí Gaeltachta, Gaeilge agus Stáit le chéile le oll-theachtaireacht amháin: is bua luachmhar sa bhreis í an Ghaeilge sa saol acadúil, gairmiúil agus sóisialta.
Is imeacht lán-Ghaeilge í an chomhdháil seo agus beidh gach ghné den imeacht á reachtáil trí Ghaeilge.
Clár an Lae
Beidh rogha dhá sheisiún ar fáil do dhaltaí mheánscoile, ceann ar maidin agus ceann san iarnóin.
Beidh an seisiún do mhic léinn ollscoile um thráthnóna.
Cloisfidh tú ó ghairmithe óga a úsáideann an Ghaeilge go laethúil agus foghlaimeoidh tú conas a d’fhéadfadh sí a bheith ar cheann de do láidreachtaí is mó i do shaol gairmiúil.
Tá an Ghaeilge beo sa phobal, i gcumainn ollscoile, i ngrúpaí óige, ar líne agus i gceantair áitiúla.
Léiríonn an téama seo duit an taobh sóisialta bríomhar den Ghaeilge: na heagraíochtaí, na clubanna, agus na pobail.
Le linn cainteanna agus painéil, taispeánfar an ról atá ag an teanga i réimsí nuálacha cosúil le hintleacht shaorga, cruthú digiteach, inbhuanaitheacht agus forbairt pobail.
Tugann ár bpléphainéil idirghníomhacha spás duit ceisteanna a chur agus comhairle a fháil.
Tabharfaidh seo léargas soiléir ar chúrsaí ollscoile agus roghanna gairme.
Tá FÍS 2026 á eagrú le tacaíocht ó Roinn na Gaeltachta tríd an tionscnamh Gluaiseacht. Is tionscadal é Gluaiseacht, maoinithe ag an Roinn Forbartha Tuaithe agus Pobail agus Gaeltachta, a éascaíonn ceardlanna idirghníomhacha ina mbíonn daoine óga lárnach sa chur chuige, a mheallann, a spreagann agus a chuireann ar chumas daoine óga cinntí coinsiasacha a dhéanamh chun an Ghaeilge a úsáid agus ról gníomhach a imirt i ngluaiseacht na Gaeilge. Cuirtear béim freisin ar na deiseanna fostaíochta atá ar fáil trí Ghaeilge sna ceardlanna seo, ar a dtugar an Seó Bóthair. Is féidir breis eolais faoin Seó Bóthair a fháil ANSEO
