Tacaíocht do Chinneadh an Fhreasúra An Dáil A Fhágáil

Tá tacaíocht iomlán tugtha ag Conradh na Gaeilge agus Guth na Gaeltachta do chinneadh an fhreasúra tarraingt as tuilleadh baint a bheith acu leis an díospóireacht ar an mBille Gaeltachta 2012 sa Dáil inniu (19 Iúil 2012), i bhfianaise nach raibh sé i gceist ag an Aire Gaeltachta Dinny McGinley TD glacadh le haon cheann de bhreis agus 150 leasuithe a bhí molta acu ar an mbille sular reachtaíodh é.

Leanúint ar aghaidh

Fáiltíonn APG Roimh Dheireadh na Samhla Nua Mhaoinithe & Molann Córas Comhpháirtíochta

D'fháiltigh Aontas Phobal na Gaeilge (APG) go croíúil roimh chinneadh Bhord Fhoras na Gaeilge chun deireadh a chur leis an tSamhail Nua Mhaoinithe ag cruinniú de chuid Bhord an Fhorais Dé hAoine, 29 Meitheamh 2012, agus súil acu go gcuirfear córas comhpháirtíochta i bhfeidhm chun na heagrais bhunmhaoinithe san earnáil dheonach Ghaeilge a chur ag obair le chéile ar bhonn níos éifeachtaí ar leas na teanga agus ar leas an phobail.

Leanúint ar aghaidh

Raidió Rí-Rá Ag Craoladh Ar DAB!

Tosóidh an chéad chairtstáisiún Gaeilge ag craoladh beo i bPort Láirge agus i mBaile Átha Cliath ar an gcóras Chraoladh Fuaime Digití (DAB) ar an 01 Iúil 2012, áit gurb é Raidió Rí-Rá an t-aon stáisiún Gaeilge don aos óg a bheidh ag craoladh ar an gcóras raidió úir. Beidh Raidió Rí-Rá ar fáil ar DAB i gCorcaigh agus i Luimneach roimh dheireadh na bliana seo freisin, agus go náisiúnta amach anseo.

Leanúint ar aghaidh

Scannalach Nach Bhfuil Ach Cúpla Lá Le Leasuithe A Phlé Ar An mBille Gaeltachta, arsa Conradh na Gaeilge & Guth na Gaeltachta

D'fháiltigh Conradh na Gaeilge agus Guth na Gaeltachta roimh fhoilsiú Bhille Gaeltachta 2012 de chuid an Rialtais Dé Máirt (19 Meitheamh 2012) ach creideann na heagraíochtaí pobail go bhfuil go leor ceisteanna fós le freagairt maidir leis an reachtaíocht toisc easpa eolas sonrach faoina chur i bhfeidhm, faoina riaradh agus faoin measúnacht ar na pleananna Gaeilge atá ag a chroílár, agus gur scannalach an rud é nach bhfuil ach go dtí maidin amárach le leasuithe a mholadh.

Leanúint ar aghaidh

Ár dTeanga, Do Rogha! Arsa Aontas Phobal na Gaeilge Le 12,000 Scoláire

Reáchtálfaidh Aontas Phobal na Gaeilge (APG) na ceardlanna feasachta is spreagúla dá chuid go dtí seo le cinnirí agus scoláirí choláistí samhraidh ar fud na tíre arís an samhradh seo, dá misniú agus dá gcumasú chun an Ghaeilge a roghnú, a úsáid agus a spreagadh gach lá mar chuid den fheachtas Ár dTeanga, Do Rogha sna coláistí Gaeilge.

Leanúint ar aghaidh

Ceiliúradh RnaG Ag Croí Thionól Gaeltachta Chonradh na Gaeilge 2012 i gCiarraí

Is ar Chorca Dhuibhne aoibhinn atá triall lucht labhartha na Gaeilge ar saoire an samhradh seo, agus Tionól Gaeltachta Chonradh na Gaeilge 2012 á reáchtáil i nGaeltacht Chiarraí ón 05 - 08 Iúil 2012. Eagraíonn Conradh na Gaeilge saoire i nGaeltacht éagsúil gach bliain le deis a thabhairt do chainteoirí líofa agus d'fhoghlaimeoirí na teanga araon sult a bhaint as áilleacht na Gaeltachta, gníomhaíochtaí spraíúla lae agus siamsa oíche i gcomhluadar iomlán Gaeilge an chéad dheireadh seachtaine i mí Iúil.

Leanúint ar aghaidh

Comhstraitéis Ghníomhach Uile-Éireann Idir Lámha ag Ard-Fheis 2012 in Inis

Tabharfaidh Ferdie Mac an Fhailligh, Príomhfheidhmeannach Fhoras na Gaeilge; Páidí Ó Lionáird, láithreoir 7 Lá agus colúnaí Gaelscéal; agus Maolsheachlainn Ó Caollaí, iar-Uachtarán Chonradh na Gaeilge, léargas ar chomhstraitéis ghníomhach uile-Éireann don teanga ag oscailt oifigiúil Ard-Fheis Chonradh na Gaeilge 2012 san Óstán Auburn Lodge, Inis, Co. an Chláir ag 9.00in oíche Aoine, 30 Márta 2012.

Leanúint ar aghaidh

Eagraíochtaí faoi scáth Chonradh na Gaeilge