Díolúintí Ardteiste

Tá ardú mór tagtha le blianta beaga anuas ar líon na scoláirí atá ag fáil díolúintí ó staidéar a dhéanamh ar an nGaeilge don Ardteist.

Tá an córas díolúine reatha ag teip ar scoláirí agus ar an nGaeilge araon. In ionad a chinntiú go bhfaigheann gach dálta an leibhéal cuí oideachais sa Ghaeilge, tá na díolúintí ina mbealach éalaithe, ag baint an bonn d’aidhm an dátheangachais náisiúnta.

Bliain	Líon na ndíolúintí ag an dara leibhéal
2024	55,660
2023	49,570
2022	41,158
2021	37,444
2020	34,285
2019	33,476

Cén Fáth a bhfuil Teip ar an gCóras Reatha?

Easpa Leanúnachas
Níl aon chóras struchtúrtha ann a chinntíonn go dtéann scoláirí chun cinn sa Ghaeilge ón mbunscoil go dtí an mheánscoil. Baineann an polasaí díolúine na scoláirí ar fad ó fhoghlaim na Gaeilge seachas a gconair foghlama a oiriúnú.
Ró-Úsáid Díolúintí
Tugann an t-ardú as smacht ar dhíolúintí le fios go bhfuiltear á mbronnadh ró-éasca. In ionad tacaíochta do riachtanais foghlama éagsúla, is minic a fheidhmíonn díolúintí mar “scar-rogha” don Ghaeilge.
Míbhuntáiste do Dháltaí ag Teacht Isteach sa Córas Déanach
Ba chóir go mbeadh bealach inrochtana chuig foghlaim na Gaeilge do scoláirí atá nua sa chóras, ar nós scoláirí a thagann ó thíortha eile, seachas díolúine uathoibríoch a thabhairt dó.
Dochar do Dhaltaí a bhfuil Deacrachtaí Foghlama Acu
Cuireann díolúintí bac ar dhaltaí a bhfuil dúshláin litearthachta acu ó fhoghlaim na Gaeilge labhartha, cé go bhféadfadh siad leas a bhaint as cur chuige cumarsáideach.Is féidir le daltaí a bhfuil deacrachtaí foghlama acu dul chun cinn a dhéanamh sa Ghaeilge leis an tacaíocht cheart

Polasaí Bunaithe ar an bhFráma Tagartha Comónta Eorpach

Tá Conradh na Gaeilge ag moladh le fada an lá go dtabharfaí isteach córas dhá shiollabas don Ghaeilge nó sárleibhéal ag leibhéal na hArdteistiméireachta ach ba mhaith linn go dtarlódh sin mar chuid de pholasaí cuimsitheach don Ghaeilge sa chóras oideachais ón oideachas luath-óige go dtí an tríú leibhéal. Ba chóir go mbeadh an polasaí seo ag gach leibhéal bunaithe ar an bhFráma Tagartha Comónta Eorpach do Theangacha

Dul chun cinn a rianú :

Bheadh foghlaim na Gaeilge struchtúrtha trasna gach leibhéal, ag cinntiú leanúnachas.
Conairí Foghlama Saincheaptha :

D’fhéadfadh scoláirí le dúshláin litearthachta díriú ar an nGaeilge labhartha, ag fáil aitheantais dá scileanna.
Imeascadh in ionad an eisiaimh :

D’fhéadfadh daoine a thagann isteach sa chóras déanach leibhéal insroichte Gaeilge a dhéanamh, seachas a bheith díolmhaithe go hiomlán.
Caighdeáin Trédhearcacha, Chomhsheasmhacha :

Chomhlánódh aon athruithe curaclaim gach leibhéal oideachais, seachas bearnaí a chruthú. Chinnteodh sé seo trédhearcacht agus dul chun cinn i bhfoghlaim na Gaeilge ó leibhéal amháin go leibhéal eile, ag cur spriocanna soiléire ar fáil do scoláirí agus do mhúinteoirí.