CeardlannaFéach ar an LéarscáilFaigh Treoracha

 

Baineann an cheardlann seo le húsáid a bhaint as Instagram agus Tik Tok dhá uirlis an-úsáideach do chraobhacha agus grúpaí atá ag plé le daoine óga. Tabharfaidh Róisin, Feidhmeannach Cumarsáide an Chonartha agus Eve a oibríonn leis an bhFoireann Óige treoracha duit ar conas úsáid a bhaint as Instagram agus Tik Tok do leas do chraoibhe nó ghrúpa.

 

Is ceart do chuid sonraí a iontráil sa bhfoirm ar an gcéad leathanach eile.

 

Baineann an cheardlann seo le scileanna glacadh agus eagarthóireachta a fhorbairt. Léireoidh Síomha Ní Ruairc agus Dáire Ó Faogáin conas físeáin simplí a thaifead ar uirlisí a bheidh agat sa bhaile ar nós gutháin phóca srl. Taispeánfaidh siad conas eagarthóireacht a dhéanamh ar an bhfíseán ansin go mbeidh sé réidh le húsáid go poiblí.

 

Is ceart do chuid sonraí a iontráil sa bhfoirm ar an gcéad leathanach eile.

 

Sa cheardlann seo léireoidh Róisín Ní Mhaoláin agus Padaí Ó Tiarnaigh conas preasráiteas éifeachtach a scríobh sa lá atá inniu ann. Labhróidh siad faoi mhódhanna scríbhneoireachta agus an bealach is fearr le do phreasráiteas a fháil os comhair na meán áitiúla agus náisiúnta.

 

Is ceart do chuid sonraí a iontráil sa bhfoirm ar an gcéad leathanach eile.

 

Déanfaidh Julian De Spáinn, Ard-Rúnaí Chonradh na Gaeilge agus Peadar Mac Fhlannchadha, Bainisteoir Abhcóideachta cíoradh ar na bealaí is fearr le stocaireacht a dhéanamh ar phlaiteoirí áitiúla le mianta do phobail a chur chun cinn. Labhróidh siad faoi mhódhanna stocaireachta atá in molta ag an eagraíocht agus conas dul i dteagmháil go heifeachtúil le d'ionadaithe áitiúla.

 

Níl aon chostas ar an gceardlann seo ach is ceart do chuid sonraí a iontráil sa bhfoirm ar an gcéad leathanach eile.

 

Rachaidh Ciarán Wadd, Feidhmeannach Ballraíochta an Chonartha agus Paula Melvin, Tanáiste Chonradh na Gaeilge agus Cathaoirleach Phobal Gaeilge 15, craobh de chuid CnaG tríd an bproiséas ar conas craobh nua a chur ar bun agus trí na bealaí is fearr plean cuimsitheach don chraobh a dhréachtadh agus a chur i bhfeidhm.

 

Níl aon chostas ar an gceardlann seo ach is ceart do chuid sonraí a iontráil sa bhfoirm ar an gcéad leathanach eile.

 

Rachaidh Ciarán Wadd, Feidhmeannach Ballraíochta an Chonartha agus Cathaoirleach Choiste Chlub Chonradh na Gaeilge trí bhealaí eifeachtúla le coiste a stiúradh idir bhealaí le cruinnithe a reáchtáil go slachtmhar, pleananna a dhréachtú agus a chur i bhfeidhm agus úsáid a bhaint go maith as na róil uile atá ar choistí.

 

Is ceart do chuid sonraí a iontráil sa bhfoirm ar an gcéad leathanach eile.

 

Déanfaidh an ceardlann seo cur síos ar na deacrachtaí a bhíonn ag craobhacha agus grúpaí daoine nua a earcú le bheith ina bhaill ghníomhacha sa chraobh agus ról ceannasaíochta a ghlacadh sa choiste, sna heagrúcháin agus sa phleanáil.

 

Níl aon chostas ar an gceardlann seo ach is ceart do chuid sonraí a iontráil sa bhfoirm ar an gcéad leathanach eile.

 

Is ceart do gach grúpa agus craobh a bhailíonn sonraí daoine polasaí cosaint sonraí a bheith acu de réir na ndlíthe RGCS (Rialacha Ginearálta um Chosaint Sonraí). Déanfaidh Seán Ó hAdmhaill, Bainisteoir Acmhainní Daonna an Chonartha agus Ghlór na nGael, cur síos ar conas polasaí a dhréachtadh agus a chur i bhfeidhm ionas go bhfuil sonraí na n-ábharbhaill, baill agus eile coimeádta go sábháilte ag do ghrúpa / do chraobh.

 

Is ceart do chuid sonraí a iontráil sa bhfoirm ar an gcéad leathanach eile.

 

Déanfar cur síos ar conas polasaí a dhréachtadh agus a chur i bhfeidhm má oibríonn do chraobh / ghrúpa le daoine óga nó daoine leochaileacha.

Is ceart do chuid sonraí a iontráil sa bhfoirm ar an gcéad leathanach eile.

 

Rachaidh Orlaith Nic Ghearailt & Sophie Osborne, Foireann Sheachtain na Gaeilge trí conas ar féidir le daoine cur isteach ar an gciste Sheachtain na Gaeilge , ciste a chuireann airgead ar fáil do ghrúpaí agus craobhacha ionas gur féidir leo imeachtaí a reáchtáil le linn Sheachtain na Gaeilge, 1 - 17 Márta. 

 

Ní bhaineann costas leis an gceardlann seo ach is ceart do chuid sonraí a iontráil sa bhfoirm ar an gcéad leathanach eile.

 

Moltar do chraobhacha nua rang a thosú ina gceantar áitiúil bíodh sin idir ceann do thosaitheoirí nó níos airde. Sa cheardlann seo déanfaidh Niall Comer, Uachtarán Chonradh na Gaeilge & Leachtóir le Gaeilge in Ollscoil Mhig Aoidh cur síos ar bhealaí le ranganna a chur ar bun i do cheantar áitiúil. Labhróidh Ciarán Wadd faoi conas na ranganna siúd a mhargadh agus a riaradh.

 

Is ceart do chuid sonraí a iontráil sa bhfoirm ar an gcéad leathanach eile.